jaat SMS Messages213 messages

Yeh Aankhen Bohat

Yeh Aankhen Bohat Satati Hain
Yaadon Ke Khuwaab Dikhati Hain
Mujhe Saari Raat Jagati Hain
Kab Dil Ke Raaz Chhupati Hain
Palkon Ke Dareeche Kholti Hain
Kuch Apni Zaban Main Bolti Hain
Bas Apni Baat Manwati Hain
YEH AANKHEN BOHAT SATATI HAIN
Ek Aan Main Faisla Karti Hain
Yeh Kab Ruswayi Se Darrti Hain
Yeh Ghungroo Baandh Nachati Hain
Her Waqt Yeh Jaagti Rehti Hain
Ek Khoj Main Bhaagti Rehti Hain
Thak Haar Ke Wapis Aati Hain
YEH AANKHEN BOHAT SATATI HAIN
Chupke Se Kahin Lad jaati Hai
Phir Khuwabon Se Bhar jaati Hai
Jab Toote Shor Machati Hai
Yeh Royen To Dil Bhi Rota Hai
Kab In Se Judda Yeh Hota Hai
Yeh Dil Ko Rog Lagati Hai
Kyu Pyaar Kiya Pachtati Hai
Yeh Aankhen Bohat Satati Hain

Wo Aankhein

Wo Aankhein
Meri Aankhein To Nahi Phir Bhi
Wo Jo Kuch Dekhti Hain
Dekhti Rehti Hain
Main Bhi Dekhta Hoon
Dekhta Rehta Hoon
Jis Se Rooth jaati Hain
Main Us Se Rooth jaata Hoon
Wo Jis Se Pyaar Karti Hain
Main Us Se Pyaar Karta Hoon
Wo Aankhein
Meri Aankhein To Nahi Phir Bhi
Wo Jo Kuch Sochti Hain
Sochti Rehti Hain
Main Bhi Sochta Hoon
Sochta Rehta Hoon
Jis Dam Muskuraati Hain
Main Us Dam Muskurata Hoon
Wo Jab Afsurda Hoti Hain
To Main Afsurdsa Hota Hoon
Wo Aankhein
Meri Aankhein Ho Nahi Sakteen
Magar Phir Bhi
Diwaana Hoon Jo Un Ko
Chaahta Hoon, Chaahta Hoon
Chaahta Rehta Hoon

Kash Hum Bezubaan Hote

Kash Hum Bezubaan Hote
Naa Fir Gham Yun Bayaan Hote
Kash Naa Hoti Zindagi Ki Samajh
Naa Fir Yun Afsaane Jawaan Hote
Kash Naa Khwahish Hoti Kuch Paane Ki
Naa Fir Kuch Khone K Gham Yahan Hote
Gar Tod jaata Koi Ashiyaan Humara
Fir Bhi Khoobsurat Saare Samaan Hote
Lut jaati Gar Roshni-E-Zindagi
Fir Bhi Andhere Naa Yahan Hote
Toot-Te Hue Bhi Be-Shubhaah Hote
Kash Hum Bezubaan Hote !!

Mujh ko piyare hain meri

Mujh ko piyare hain meri jaan say ,Teri yeh piyari Ankhain .
Meri Ankhon ki thandak hain,Teri yeh Qatil Ankhain.
Ho gaya hoon behoosh iss hoosh ki Dunya main
Jabh say daikhe hain main nay ,Teri yeh Qatil Ankhain.
Mian iss Hisaar say nikloon too kuchh aur soochun.
Meray diloo dimaagh pay havi hain ,Teri yeh Qatil Ankhain.
Mujh ko lay-jaatin hain ik ajeeb se dunya main .
Jabh bhi daikhta hoon ,Teri yeh Qatil Ankhain.
Shayed kay aa-jaay qarar meray pagal dil koo.
wagarna mujhay jeenay nahin dain ge,Teri yeh Qatil Ankhain.
Mujh ko piyare hain meri jaan say ,Teri yeh piyari Ankhain.
shayed kay mil jain mujhay ,Teri yeh Qatil Ankhain

Mujhay tum yaad aatay ho

Mujhay tum yaad aatay ho

Muqaddar k sitaaron per

Zamaaney k ishaaron per

Udaasi k kinaaron per

Kabhi veeraan sheyhron mein

Kabhi sunsaan raston per

Kabhi hairaan aankhon mein

Kabhi be-jaan lamhon per

Tumhaari yaad chupkey se

Koi sargoshi kerti hai

Yeh palkain bheeg jaati hain

To aansu toot girtey hain

Hum palkon ko jhukatay hain

Ba-zaahir muskuratey hain

Faqat itna hi kehtay hain

Mujhey kitna satatey ho

Mujhey tum yaad aatey ho

Mujhey tum yaad aatey ho...!

choTa sa ik lafz

choTa sa ik lafz tumhaara
kitna peyaara lagta hai
dil meN khushiyoN ke najaane
kitne phhool khilaata hai
phheeke se be.kaif se din meN
shokhi ke rang sajaata hai
jab eid ke din ik card mile
uss par hoN surkh gulaab bane
jis ke andar sab se neeche
likhne waale ne likha ho
tum ko dil se chaahne waala
sirf tumhaara
tab
choTa sa ik lafz tumhaara
kitna peyaara lagta hai..

jaatay jaatay wo mujhe

jaatay jaatay wo mujhe achi nishani day gaya
umr bhar dohraaoongi,aysi kahaani day gaya

us say may kuch paa saku?aysi kahan umeed thi
gham bhi wo shayad baraay-e-meherbaani day gaya

sab hawaayen lay gaya mere samandar ki koi
aur mujh ko aik kashti baadbaani day gaya

khayr main piyaasi rahi par us nay itna to kia
meri palko ki qataaron ko wo paani day gaya...

Jinhe dhoondte hain

Jinhe dhoondte hain sapno main
Woh haqeeqat main nahi hai
Jo haqeeqat main hai saamne
Woh hamare sapno main nahi hai

Jo Dil main hai hamare
Woh hamare qareeb nahi hai
Aur jo qareeb hai hamare
Woh hamare Dil main nahi hai

Jis se Pyaar karte hain hum
Woh hamare baare main sochta nahi hai
Jo sochte hain humaare baare main
Un se Pyaar hum karte nahi hain
"intezaar"
Hum jinka "muntazar" karte hain
Woh kabhi aate nahi hain
Aur jo aa jaate hain saamne
Unka "muntazar" hum karte nahi hain
"intezaar"

dil ke dariyaa ko kisii r

dil ke dariyaa ko kisii roz utar jaanaa hai
itanaa besimt na chal lauT ke ghar jaanaa hai

us tak aatii hai to har chiiz Thahar jaatii hai
jaise paanaa hii use asl me.n mar jaanaa hai

bol ai shaam-e-safar rang-e-rihaa_ii kyaa hai
dil ko rukanaa hai ki taaro.n me.n Thahar jaanaa hai

kaun ubharate hue mahataab kaa rastaa roke
us ko har taur suu-e-dasht-e-sahar jaanaa hai

mai.n khilaa huu.N to isii Khaak me.n milanaa hai mujhe
vo to Khushbuu hai use agale nagar jaanaa hai

vo tere husn kaa jaaduu ho ke meraa Gam-e-dil
har musaafir ko isii ghaaT utar jaanaa hai

Yaad Aati Hain Tumhari Sab

Yaad Aati Hain Tumhari Sab Baate To Dil Ko Tham Leta hu,
Sab Kahte Hain Pagal Hain Tu Jab Hatho Me Jaam Leta Hu,
Ek Lamha Bhi Tumhari Yaad Dil Se Door jaati Nahi,
Jitana Bhi Bhulne Ki Koshish Karta Hu Tumhe Bhul Paata Nahi.

Hanste Hue, Aankhon

Hanste Hue, Aankhon Main Kyun Aa jaate Hain Ye Aansoo
Yun Khushi Ko Adhoora Sa Bana jaate Hain Ye Aansoo
Dard Itna Hai Saha, Khaali Ho Gaya Samandar Ashkon Ka
Jaane Kahan Se Aankhon Main Bhar jaate Hain Ye Aansoo
Khush Hoon Main, Koi Shikwa Zamane Se Na Taqdeer Se
Meri Iss Baat Ko Jhoota Kyun Bana jaate Hain Ye Aansoo
Shayad Khabar Hai In Ko Bhi Kis Qadar Tanha Hoon Main
Tanhaayi Main Mera Saath Nibha jaate Hain Ye Aansoo !!

Aadat si bana li hey

Aadat si bana li hey Tere shaher key logon ney
Andaaz badal lena Aawaz badal lena

Dunia ki mohbbat main Atwaar badal lena
Mosam jo naya aaye, Raftaar badal lena

Agyaar wohi rakhna, Ahbaab badal lena
Rastay main agar milna, Nazroon ko jhuka lena

Awaaz agar do to Katra ke nikal jana
Har ek sey juda rehna Har ek sey khafa rehna

jaatey howey raahi ko Manzil ka pata dey kar
Raastey main rula dena

Aadat si bana li hey
Tere shaher ke logon ney ...

Categories Anniversary Ascii Bengali Birthday Break Up Broken Heart Christmas Decent Diwali Double Meaning Durga Puja Easter Eid Mubarak English Poetry Exam Faraz Fathers day Flirt Friendship Funny Geo Or Jeenay Do Get Well Soon Good Luck Good Morning Good Night Greeting Halloween Holi Independence Day Inspirational Insult Islamic Khichdi Kiss Love Love Stories Miss You Mother's Day Naughty New Year Pashto Politics Punjabi Q n A Quatations Rainy day Rakhi Ramdan Riddle Romantic Sad Sardar Smile Sorry Teachers day Today's thought Urdu Poetry

jaat SMS Messages213 messages

Search SMS Messages