hi na SMS Messages709 messages

Kya sarokaar ab

Kya sarokaar ab kisi se mujhe
Waasta tha to tha tujhi se mujhe

Behisi ka bhi ab nahin ehsaas
Kya hua teri berukhi se mujhe

Maut ki aarzoo bhi kar dekhun
Kya ummeedein thi zindagi se mujhe

Tera gham bhi na ho to kya jeena
Kuch tasalli hai dard hi se mujhe

Kar gaye kis qadar tabaah Zia''
Dushman andaaz e dosti se mujhe...

Aetebar Tootey

Aetebar Tootey tu...!
Aetebar Tootey tu...!
Aetebar Tootey tu...!

Wo bhi aesay logon par
Jin ku apna ham janain
Jab bhi gham sey bojhal hon
Un ku mehrbaan manain
Aetebar Tootey tu.....
Aesay zakhm miltey hein
Jo kabhi nahin bhartey
Mehraban say''e jab
Ham sey rooth jaen tu
Aisi dhoop milti hey
Jis mein rooh jalti hey
Aetebar Tootey tu.....
Dil key aaieney ju hein
Wo bhi toot jatey hein
Aks wo ju apney hon
Wo bhi rooth jatey hein
Aetebar Tootey tu...
Aesay zakhm miltey hein
Aesi dhoop milti hey
Aisey aks khotey hein
Loog hans bhi lein shayad
Dil hamesha rootey hein
Aetebar Tootey tu...!

Abb jo bichray hain

Abb jo bichray hain to ahsaas hua hay hum ko
Dard kya huta hay tanhaii kisay kahtay hain
Chaar su goonjti ruswaii kisay kahtay hain
Abb jo bichray hain to ahsaas hua hay hum ko
Koi lamha hu teri yaad main kho jatay hain
Abb tu khud ko bhi mayassar nahin aa patay hain
Raat hu din hu teray piyar main hum bahtay hain
Dard kya huta hay tanhaii kisay kahtay hain
Abb jo bichray hain to ahsaas hua hay hum ko
Yun tu duniya ki her ik cheez haseen huti hay
Pyar se barh kay magar kuch bhi nahin huti hay
Raasta roak kay her ik se yehi kahtay hain
Abb jo bichray hain to ahsaas hua hay hum ko
Dard kya huta hay tanhaii kisay kahtay hain

Aaj ke daur mein aye

Aaj ke daur mein aye dost yeh manzar kyun hai
Zakhm har ser pe har haath mein patthar kyun hai

Jab haqeeqat hai ke har zarrey mein Tu rehta hai
Phir zameen par kahin masjid kahin mandir kyun hai

Apna anjaam to maalum hai sab ko phir bhi
Apni nazaron mein har insaan sikandar kyun hai

Zindagi jeeney ke qaabil hi nahin abb zakhmi
Werna har aankh mein ashkon ka samandar kyun hai

Faasle Bahut Hain

Faasle Bahut Hain,Par Itna Maan Lijiye,Karib Rahkar Bhi Har Koi Khaas Nahin Hota,Aap Khayalon Me Itne Karib Hain Ki Faaslon Ka Ehsaas hi nahin Hota

Kirdar say aari hoon

Kirdar say aari hoon meray sath na chal
Khud aap pey bhari hoon meray sath na chal
Kahiin bharam hi na hu jay tujh say tera khuda
Lal shulon ka pujari hoon meray sath na chal
Mein samandur hoon maojein hain meri tufan
Barhey zor say jari hoon meray sath na chal
Mein tu apni hasti bhi dao pey laga deta hoon
Aik barhum jawari hoon meray sath na chal

Agar yeh jan-na

Agar yeh jan-na chaho koi kaisay bikharta hai
Chaman main ja kay khizaan main
Kabhii patton ko dekho tum
Ya phir ik aainaa lay lo
Ussay patthar pay giraa do
Agar mushkil hai tum ko
To kissi khoobsurat phool ko le lena
Ussay hawa kay dosh pay rakhna
To phir tum jaan jao ge
Koi kaisay bikharta hai
Agar yeh bhi na kar sako
To mairay paas aajaana
Mera deedar kar lena
Khabarr yeh ho hee jayay gee
Koi kaisay bikhartaa hai..........

zindagi ka safar maine

zindagi ka safar maine jaana abhi
poora ho sakta yeh tere bina nahi
teri yaadein satayee,
din raat humko jalayee
pyaar ki shamma mere gulistaan mai jal sakti nai

guzra hua pal laut ke aasakta nai
tumko kho diya waapis paa sakta nai
kaise bhulaao wo manzar
kaanto bhara wo bistar
sukooon se koi raat mai so sakta nai

dil ko to mere aisa lagne laga abhi
kab se thay tanha, tha tumhara nishaan kahi nahi
bikhri huee daastan
is aasman talay hum zinda
kis dar pe jayee hum, milta kahee koi saaya nahi

Na tujh ko chor saktay

Na tujh ko chor saktay hain,tere ho bhi nahin saktay....
Yeh kaisi be basi hai aj hum ro bhi nahin saktay.....
Yeh kaisa dard hai pal pal hamain tarpaiy rakhta hai....
Tumhari yaad aati hai to hum so bhi nahin saktay.....
Dikha saktay hain,na he hum chupa saktay hain logoon se....
Kuch aisay daag hain dil k jo hum dho bhi nahin saktay....
Kaha tha chor dein ge yeh nagar,phir ruk gaiy laikin.....
Tumhain pa to nahin saktay,magar,Kho bhi nahin saktay....

Log apna bana

Log apna bana kar chor date hain
rishta gharo se jor laite hain
Hum to ik phool bhi nahi toor sake
Log to dil bhi toor date hain

Phool Chunte Waqkt

"Phool Chunte Waqkt Kaanto Pe Bhi nazar Rakhna
Muhobaat Mei Mom Ka Dil Aur Patthar Ka Jigar Rakhna"

Meri zameen pa

Meri zameen par jo chandni hai
Woh sab teri hai
Meray falak par jo dilkashi hai
Woh sab teri hai
Jo titilion k paron pay likhay hain khat merayhain
Yeh jugnoun mein jo roshni hai
Woh sab teri hai
Jo shab pay chai khamoshian hain
Woh sab meri hain
Sehar mein jitni bhi naghmaghi hai
Woh sab teri hai
Jo teri muthi mein khushboain hain
Woh sab meri hain
Jo meri aankh meein roshni hai
Woh sab teri hai

Categories Anniversary Ascii Bengali Birthday Break Up Broken Heart Christmas Decent Diwali Double Meaning Durga Puja Easter Eid Mubarak English Poetry Exam Faraz Fathers day Flirt Friendship Funny Geo Or Jeenay Do Get Well Soon Good Luck Good Morning Good Night Greeting Halloween Holi Independence Day Inspirational Insult Islamic Khichdi Kiss Love Love Stories Miss You Mother's Day Naughty New Year Pashto Politics Punjabi Q n A Quatations Rainy day Rakhi Ramdan Riddle Romantic Sad Sardar Smile Sorry Teachers day Today's thought Urdu Poetry

hi na SMS Messages709 messages

Search SMS Messages