Kon Hai Suraj Kon Hai Saya Mai Bhi Socho''n Tu Bhi Soch
Kis Ne Pehle Haath Churaya Main Bhi Socho''n Tu Bhi Soch
Jis Ki Khatir Sahil Sahil Sipiyan Chunte Beet Gaye
Kyun Wo Moti Haath Na Aaya Main Bhi Socho''n Tu Bhi Soch
Kis Ko Kitna Naam Mila Aur Kis Ko Kia Ilzaam Mila
Kis Ne Kis Ka Waqt Ganwaya Main Bhi Socho''n Tu Bhi Soch
Kis Ne Kitni Aas Bandhai Kis Ne Kitni Jaan Churaai
Kis Ne Kitna Saath Nibhaya Main Bhi Socho''n Tu Bhi Soch
Hum Tou Ta''aluq K Bare Main Sochne Par Majbuur Huey
Jeevan Main Ye Din Kyun Aaya Main Bhi Socho''n Tu Bhi Soch
