Hum jugnoo thay hum titli thay
Hum rang birangay panchi thay
Kuch mah-o-saal ki jannat mein
MAAN hum dono bhi sanjhi thay
Main chota sa ik bacha tha
Teri ungli tham k chalta tha
Tu door nazr se hoti thi
Main ansu ansu rota tha
Ik khawbon ka roshan basta
Tu roz mujhay pehnati thi
Jab darta tha main raton ko
Tu apnay
sath sulati thi
MAAN tu ne kitnay barson tak
Is phool ko seencha hathon se
Jeevan k gehray bhaidon ko
Main samjha teri baton se
Main tere hath k takiay par
Ab bhi raat ko sota hoon
MAAN! Main chota sa ik bacha
Teri yaad main ab bhi rota hoon...
