Sheher-E-Khayal-O-Khuwab Mein Abad Ho Gaya,
Itna Usay Parha Ke Mujhay Yaad Ho Gaya,,
Main Aaj Tak Hoon Jis Ke Fareeb-O-Hisar Main,
Wo Aur Hi Kisi Ka Mere Bad Ho Gaya,,
A
Andhi hawa Ka Saath Nibhanay Ke Shok Mein,
Koi Tabah Hua'' Koi Barbad Ho Gaya,,
Apni To Sari Umr Aseeri Mein Kat Gayi,
Jis Ne Bhi Haar Maan Li'' Azaad Ho Gaya,,
Pehlay To Paaniyon Se Rahi Guftagu Meri,
Phir Youn Hua Ke Aaina Eejaad Ho Gaya . . . /
